როგორ ავირჩიოთ იმპლანტი
რა არის საჭირო იმპლანტებისგან და როგორ განსხვავდებიან ისინი?

იმპლანტები განსხვავდება მასალოთ, ზომით და ფორმით, შეერთების ტიპით, ზედაპირის დაფარვის მეთოდით. და ასევე - მწარმოებლით, ხარისხით და ფასით.

ყველა სტომატოლოგიური იმპლანტი, გამონაკლისის გარეშე, ორ რამეს მოითხოვს. პირველი - უნდა მოხდეს კარგი ინტეგრაცია (შეხორცება), ანუ მტკიცედ და საიმედოდ შეიზარდოს ძვალში. დროულად და გართულებების გარეშე. მეორე - რაც შეიძლება დიდხანს იმსახუროს. იდეალურ შემთხვევაში, მთელი ჩემი ცხოვრება.

რამდენად კარგად ასრულებენ იმპლანტები თავის როლს, დამოკიდებულია:
• მათ ხარისხზე;
• ექიმის პროფესიონალიზმზე და ჩახრახნის პირობებზე;
• კლინიკური სიტუაციაზე და პაციენტის მიერ სამედიცინო რეკომენდაციების შესრულებაზე

უკიდურესად იშვიათ შემთხვევებში, იმპლანტი არ ინტეგრირდება (არ ხორცდება), იმის მიუხადევათ, რომ ყველაფერი სწორად გაკეთდა. ეს ხდება 100 შემთხვიდან 1 შემთხვევაში. რატომ? მხოლოდ ღმერთმა იცის.
როგორ ავირჩიოთ იმპლანტი?

იმპლანტი შეირჩევა ექიმის მიერ პაციენტის ბიუჯეტისა და კლინიკური სურათის საფუძველზე (ძვლის მოცულობა, პროთეზის დაგეგმილი ტიპი და ა.შ.). რა თქმა უნდა, პაციენტს არჩევანის უფლება აქვს - მაგრამ უმჯობესია, ეს პროფესიონალს დაავალოს. ჩვენ არ ვისაუბრებთ კონკრეტულ ბრენდებზე ნეიტრალიტეტის შენარჩუნების მიზნით. მაგრამ ჩვენ შეგვიძლია გაგაცნოთ, რა მახასიათებლებს შეაფასებს გამოცდილი ექიმი და რაზეა დამოკიდებული ხარისხი.
მასალა
ეს მარტივია: ტიტანის ან ტიტანის შენადნობი (6% ალუმინი და 4% ვანადიუმი). ორივე ვარიანტი გამოიყენება 30 წელზე მეტი ხნის განმავლობაში, შესანიშნავი შედეგებით.
ტიტანის შენადნობით იმპლანტები კარგად ინტეგრირდება და სუფთა ტიტანის იმპლანტებზე უფრო მდგრადები არიან (შესაბამისად გახლეჩვის რისკები ნაკლებია).

მწარმოებლის კარგი ასორტიმენტი - დიამეტრის, სიმაღლეების, ფორმის, კავშირების ფართო სპექტრი - საშუალებას გაძლევთ იმუშაოთ მრავალფეროვან კლინიკურ სიტუაციებში.

ხარისხი
იმპლანტის წარმოება რთული პროცესია. მისი წარმატება და პროდუქტის ხარისხი პირდაპირ დამოკიდებულია შემდეგ კომპონენტებზე:

კომპანიის ინტელექტუალური კაპიტალი
ეს არის განვითარების ინჟინრების გამოცდილება, კლინიკური კვლევების მასშტაბები, კონტაქტები სამეცნიერო და სამედიცინო ცენტრებთან, და კიდევ ბიზნესის მართვის უნარ-ჩვევები ამ ინდუსტრიაში.

ზედაპირული დამუშავების ხარისხი
გავლენას ახდენს იმპლანტის წარმატებული შეხორცების ალბათობაზე.

ახალი კვლევების ფინანსური ხარჯები და მწარმოებლის ბიუჯეტი
მწარმოებელს შეუძლია დაზოგოს ფინანსები და გამოუშვას სხვა კომპანიებისგან კოპირებული პროდუქცია. მაგრამ, როგორც წესი, სერიოზული მწარმოებლები არ ზოგავენ ფინანსებს საკუთარ სამეცნიერო, ტექნოლოგიურ და კლინიკურ კვლევებზე. ხარჯების ცალკეული პუნქტია - ექიმების მომზადება იმპლანტის ამა თუ იმ სისტემით მუშაობისთვის.

წარმოების ღირებულება და ხარჯები
ზედაპირის დაფარვის ტექნოლოგია და უკომპრომისო სიზუსტე დამოკიდებულია სერიოზულ მანქანა-დანადგარებზე (რომლის ღიებულებაა - მილიონები აშშ დოლარი). ჩარხები, აპარატურა, სტერილიზაცია და შეფუთვის ხაზები - ეს ყველაფერი მოითხოვს სერვისს და განახლებას.

ტესტირება
იმ უამრავ ტესტს შორის, რომლითაც კარგი მწარმოებელი აფასებს მათი პროდუქციის ხარისხს, ყველაზე აშკარაა სიმტკიცის ტესტი. იმპლანტების სათანადო დონის შესანარჩუნებლად, აუცილებელია ისეთი დიზაინის შექმნა, რომელიც სტაბილურად გაუძლებს საღეჭ დატვირთვას. ამის გაკეთებისთვის აუცილებელია ჰქონდეს მწარმოებელს სპეციალური დანადგარი, რომელიც არც თუ ისე ბევრ ბრენდს აქვს.

შეუძლებელია კარგი იმპლანტი იყოს იაფი
სერიოზული კომპანიები ბევრ წელს და დიდ ფულს ხარჯავენ სპეციალისტებთან კარგი რეპუტაციის მისაღებად. უნდა შეიქმნას პროდუქტები, რომელსაც ექიმები ენდობიან. რაც, რა თქმა უნდა, გავლენას ახდენს იმპლანტების ფასზე. ეს არ ნიშნავს იმას, რომ ყველაზე ძვირი იმპლანტები - არის კარგი.

ეს ნიშნავს იმას, რომ კარგი იმპლანტი ვერ იქნება იაფი.

რა უნდა გავაკეთოთ?
შეარჩიეთ საიმედო კლინიკა და კარგი ექიმი. ექიმმა უნდა შეაფასოს კლინიკური მდგომარეობა (ძვლის მოცულობა, თქვენი ჯანმრთელობის მდგომარეობა, პროთეზის დაგეგმილი ტიპი და ა.შ.). ამ ინფორმაციაზე დაყრდნობით - და ასევე თქვენს ბიუჯეტზე დაყრდნობით - ექიმი გირჩევთ იმპლანტის ტიპს. ოპერაციის წარმატება თქვენზეც იქნება დამოკიდებული. დაიცავით ექიმის ყველა რეკომენდაცია და დაუკავშირდით მას გართულებების ოდნავი ნიშნის შემდეგ. რეგულარულად გაიარეთ რუტინული შემოწმება.

და ეს უმჯობესია არ გააკეთოთ.

პირველ რიგში - უმჯობესია უარი თქვას ფირფიტის იმპლანტებზე - გართულებების რისკი ძალიან დიდია. მათ პროფესიონალ წრეებში დიდი ხნის განმავლობაში განიხილავდნენ და ექიმების განაჩენი ისაა, რომ გართულების რისკებია დიდი.
მეორე - თქვენ არ უნდა აირჩიოთ ნაკლებად ცნობილი კომპანიების იმპლანტები ან იმპლანტები, რომლებთანაც თქვენს ქალაქში ცოტა ექიმი მუშაობს. იმპლანტი იხრახნება გრძელვადიანი პერსპექტივით, ხოლო იდეალურია - მტელი სიცოცხლისთვის.

პოპულარული იმპლანტის ჩახრახნის შემთხვევაში, მათ მოვლას სწრაფად და მარტივად შეგძლებთ საქართველოს ნებისმიერ კუთხეში.

წარმოიდგინეთ: ათი თუ თხუთმეტი წლის შემდეგ თქვენ დაგჭირდათ გვირგვინის შეცვლა, და ერთადერთი კლინიკა, რომელმაც ასეთ იმპლანტებს ხრახნიდა, უკვე დაიხურა (ან უბრალოდ ამოიღო ისინი ასორტიმენტიდან). თუკი იმპლანტისთვის სათადარიგო ნაწილების პოვნაც კი შეძელით, ყველა ექიმი ვერ შეძლებს მათთან მუშაობას.

Made on
Tilda