როგორ მოვუაროთ იმპლანტებს?

დასუფთავება

კბილები და გვირგვინები უნდა გაიწმინდოს ფრთხილად, ნაკერებთან შეხების გარეშე, ძალიან რბილი კბილის ჯაგრისით. კბილების გახეხვის შემდეგ და ჭამის შემდეგ, უნდა გამოივლოთ პირი ანტისეპტიკური ხსნარით და ბამბა მიიდოთ ნაკერებზე.

კვება

ნუ მიიღებთ საკვებს ოპერაციის შემდეგ დაუყოვნებლივ. ორი საათის შემდეგ და პირველი სამი დღის განმავლობაში, სასურველია მხოლოდ თხევადი ან გახეხილი საკვების მიღება. ორი კვირის განმავლობაში არ შეიძლება მყარი საკვების მიღება და ნაოპერაციევ მხარეს ღეჭვა. საკვები უნდა იყოს თბილი (არც ცხელი და არც ცივი) და ნეიტრალური: არ უნდა იყოს ცხარე, მარილიანი, მჟავე.

ალკოჰოლი, მოწევა, ვარჯიში

პირველი სამი დღის განმავლობაში მკაცრად აკრძალულია, თუმცა უმჯობესია თავი შეიკავოთ მათგან უახლოესი ორი კვირის განმავლობაში. არ არის რეკომენდებული ფიზიკური დატვირთვა, აბანო, საუნა და საცურაო აუზი; უმჯობესია თავი შეიკავოთ საჰაერო მოგზაურობისგან.

თერაპია

ყოვლისმომცველი ანტიბაქტერიული და ანთების საწინააღმდეგო თერაპია - ექიმის მითითებით.

მომავალში, ზრუნვა უფრო მარტივი გახდება. მოსავლელი იქნება გვირგვინები და დარჩენილი კბილები - დაახლოებით იგივე, რაც ოპერაციის წინ, უბრალოდ უფრო ფრთხილად.

კბილების გახეხვა

იმპლანტები, როგორც ჯანმრთელი კბილები, უნდა გაიხეხოს დღეში ორჯერ - როგორც ჩვეულებრივი კბილის ჯაგრისით, ასევე ირიგატორით. შეგიძლიათ და უნდა გამოიყენოთ სტომატოლოგიური ძაფი, მაგრამ არა იმ ადგილას, სადაც იმპლანტებია დანერგილი (შესაძლებელია ღრძილების დაზიანება).
რეკომენდებულია კვილთა შორის სივრცის გაწმენდა სპეციალური ფუნჯით, მაგრამ უმჯობესია გამოიყენოთ ირიგატორი: წყლის ჭავლი არა მხოლოდ ხელს უწყობს კბილების გაწმენდას, არამედ ახდენს ღრძილების მასაჟს და აუმჯობესებს სისხლის მიმოქცევას.

სტომატოლოგთან ვიზიტი

ექვს თვეში ერთხელ სტომატოლოგთან ვიზიტი ყველასთვის რეკომენდებულია, მაგრამ იმპლანტების დაყენების შემდეგ ეს უბრალოდ აუცილებელია.
პირველ რიგში, რუტინული შემოწმებისთვის - ეს საშუალებას მოგცემთ დროულად აღმოაჩინოთ სტრუქტურული დაზიანება და შესაძლო გართულებები.
მეორეც, პირის ღრუს ჰიგიენის პროფესიონალური სეანსითვის. ძალიან მნიშვნელოვანია ნადების და კენჭების მოშორება: ისინი იწვევს ძვლოვანი ქსოვილის ატროფიას, და, შესაბამისად, იმპლანტების დაკარგვას.